【快速檢測】港人每日做快測增安全感　鄭丹瑞專欄：一條測試劑綫又叫做「黐綫」

「辛勤工作咗大半生，從未如此懶惰過。」損友甲為保護自己的家人，暫停工作，留在家中抗疫，足不出戶：「我搵到一個最佳嘅方法，去過居家抗疫嘅每一日，就係一早起身，立即捐番落被竇度！」「我同你唔同，我八小時工作、八小時瞓覺。」損友乙也在損友吹水群組中製造爛gag：「不過兩者係同時進行。」

最新影片：

「本來，我已經諗好晒點樣度過家居抗疫嘅每一日：上晝睇書、下晝寫下嘢、夜晚睇劇集，間中自己親自落廚，我甚至已經諗好每日食乜嘢，買定晒放喺雪櫃，起碼有兩個禮拜存貨，我同老婆可以與世隔絕咁過日子，而一啲都唔會覺得悶。」好事之徒說：「點知去到第三日，就已經出事！開始乜嘢都唔想做，戲又唔想睇、嘢又寫唔到，就連一頁書都睇唔入腦，戇居居坐喺度，天光等到天黑，我從來就唔係一個懶惰嘅人，但係我無辦法提起勁。唯一做得最起勁嘅，就係起身做一次快速測試，臨瞓又做一次快速測試，我老婆問我：『你都無出過街，點解要日頭做一次、夜晚做一次？』」

同場加映：快速檢測知多啲

▼點擊圖片放大

+4

+3

好事之徒繼續傳來錄音：「我答佢：惟有呢一條來自快速測試劑嘅綫，先至可以令我仲有少少安全感，度過每一日，夜晚嗰一條快速測試劑嘅綫，又可以令我安心入睡。但係亦都因為呢一條快速測試劑嘅綫，搞到我全日都無心機去做任何嘢，呢條綫無以名之，叫做『黐綫』。」

全文刊於《經濟日報》，原題為「一條綫」

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」，更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

撰文 : 鄭丹瑞